...တွေးကြည့်တိုင်း ကျွန်တော့်ကိုယ်ကျွန်တော် တော်တော်သနားစရာကောင်းတဲ့ သတ္တ၀ါ...(အခုလိုပြောလိုက်လို့ စိတ်မရှိပါနဲ့ အရပ်ကတို့ရေ - သင်ကြားဖူးတဲ့ သတ္တဗေဒဘာသာရပ်မှာ အပင်နဲ့သတ္တ၀ါဘဲရှိတယ်ဆိုလို့ပါ) ပါလားလို့ ထင်တောင်ထင်မိပါတယ်။ အမေက မွေးပြီးကတည်းက အမေကလွဲလို့ အဖေဆိုတာ ဘယ်ဆီနေမှန်းတောင် မသိခဲ့ရဘူး။ ကိုးတန်းကျောင်းသားဘ၀တုန်းက သင်ခဲ့ရတဲ့ မျက်မမြင်ကောင်လေး ကဗျာကို သွားပြီးသတိရမိတယ်။ သူက မွေးကတည်းက မျက်မမြင်ခဲ့တဲ့အတွက် သူကိုယ့်သူ အများနဲ့နှိုင်းယှဉ်ရင် ဆုံးရှုံးသူလို့မမှတ်ပါဘူးတဲ့။ ဘာကြောင့်လဲဆိုတော့ သူဟာ မွေးလာကတည်းက မျက်စိနှစ်ကွင်း အလင်းရောင်ဆိုသော အရာကို ပိုင်ဆိုင်မထားလို့တဲ့။ ဒီတော့ သူအတွက် မမြင်တာဟာ ဆုံးရှုံးမှုလို့ သူမမြင်ဘူး။ ဒီလိုပါဘဲလေ ... ကျွန်တော်ကိုယ် ကျွန်တော်လည်း အဖေမရှိလို ဒီလောကကြီးထဲမှာ ဆုံးရှုံးသူလို့ ကိုယ့်ကိုယ်ကို မထင်မှတ်ချင်ဘူး။ တခါတလေ စင်္ကာပူမှာ အလုပ်လုပ်ရင်း ပြောလေ့ပြောထရှိတဲ့ ရွေးစရာလမ်းမရှိ -NO CHOICE- ဆိုတဲ့စကားကိုဘဲ စွဲပြောရမလိုဖြစ်နေတယ်။ မတတ်နိုင်ဘူးလေ။ လူဆိုတာ သူ့ကံနဲ့သူဖြစ်လာတာဘဲ။ ကိုယ်ကိုယ်တိုင်က အတိတ်ဘ၀ကာလများဆီက ဘာမဟုတ်တာတွေလုပ်ခဲ့မိလည်းမှ မသိတာ။ ဒီတော့ ယခုမျက်မှောက်ကာလမှာ အတတ်နိုင်ဆုံး မိမိကိုယ်ကို ထိန်းမတ်ဖို့ အမြဲတည်း သတိပေးနေရတယ်ဗျ။
ဒီနေရာမှာ မြတ်စွာဘုရားပြောခဲ့တဲ့ စကားကို ကျွန်တော်အမြဲသတိရမိပါတယ်။
“မကောင်းမှုရှောင် ကောင်းမှုဆောင် ဖြူအောင်စိတ်ကိုထား” ဆိုတဲ့ စကားပါဘဲ။ အထူးသဖြင့် ကျွန်တော့်အနေနဲ့ ဒီနေရာမှာ နဲနဲလောက် လေရှည်ချင်ပါတယ်ဗျာ။ မွေးကတည်းက အမေ့ရင်ခွင်မှာကြီးပြင်းလာတာ .. သိပ်မကြာပါဘူး..မေမေက ကျွန်တော် ဒုတိယတန်းနှစ်မှာ ဒုတိယအိမ်ထောင်ပြုတယ်။ သူဘက်ကကြည့်တော့လည်း အသက်က နှစ်ဆယ်ဝန်းကျင်အရွယ်ဆိုတော့ ဒီအတိုင်းဆက်သွားမယ်ဆို ဘယ်တင့်တယ့်ပါမလဲ။ ဟုတ်တာပေါ .. ကျွန်တော့်ဘက်ကကြည်ပြန်ရင်လည်း တစ်ယောက်တည်း အထီးကျန်မဲ့အတူတူ ညီလေးညီမလေးတွေရှိတော့ ပျော်စရာကြီးပေါ့ဗျာ။ တစ်ကယ့်ကို ပျော်စရာကြီးပါဘဲ - နောက်ထပ်ပြီးမွေးလိုက်တာ ကျွန်တော်မပါ ၅ ယောက်၊ ဒါတောင် ကြား ၁ယောက်က မွေးပြီးမကြာ ဆုံးသွားလို့။ ဒါတင်ဘယ်ကမလဲ မေမေ့ညီမ ကျွန်တော့်အဒေါ်က မွေးခဲ့တဲ့ သမီးလေး ၂ ယောက်ကလည်း အဒေါ်နဲ့ သူ့အမျိုးသား ရှေ့ဆင့်နောက်ဆင့် ဆုံးသွားပြီးကတည်းက ကျွန်တော့်တို့နဲ့အတူနေကြတာဆိုတော့ အရပ်ကတို့ရေ တွက်သာကြည့်ပေတော့။ အားလုံးပေါင်းဆို ကျွန်တော်အပါ ကလေး ၈ ယောက်ဗျ။ ရှေးတုန်းကကြားဖူးတဲ့ စကားအတိုင်းဆို ကလေးရှိတော့ အိမ်သာတယ်ဆိုလားဘာလား မသိဘူးဗျာ ကျွန်တော့်တို့အိမ်မှာကတော့ ပွက်လောကို ရိုက်နေတာဘဲ။ စဉ်းစားသာကြည့်ပါတော့ဗျာ။
အဲဒီတော့ကျွန်တော်ပြောချင်တာက စက်ရုံကထပ်မထုတ်နိုင်တော့တဲ့ (ကျွန်တော့်အဖေဆုံးသွားလို့နော်) တစ်ကောင်ကြွက်ဘ၀ကနေပြီး ဘယ်ဒါရိုက်တာ စေခိုင်းလိုက်လဲမသိဘူဗျာ အလိုလိုနေရင်းနဲ့ အစ်ကိုကြီးဘ၀ကို ရောက်ခဲ့ရပါတယ်။
အစ်ကိုကြီးတော့ အဖရာတဲ့။ ဘယ်သူက စလိုက်လဲမသိပါဘူးဗျာ။ စားသတိ၊ သွားသတိ၊ နေသတိ၊ ထိုင်သတိနဲ့ တကတည်းကိုမှ သတိကို ကပ်ပြီးနေရတာ တော်တော်ကို စိတ်ပိန်စရာ။ ဒီတော့ လူငယ်ဖြစ်ပြီး မကောင်းမှုကို လုပ်ချင် စမ်းချင်တာတောင် အောင့်မျလေး ရှေ့ဆောင်နွားလား ဖြောင့်ဖြောင့်သွားက နောက်နွားတစ်သိုက် ဖြောင့်ဖြောင့်လိုက်ဧ။် ဆိုတဲ့ အသိက ခေါင်းထဲဝင်လာ။ မဖြစ်သေးပါဘူးလေ ဆင်ခြင်ဦးမှ အရပ်ကတို့ရေ။ ဒါ့ကြောင့် ရှေ့ဆောင်နွားကြီး အနေအဖြင့်လည်း ကျွန်တော်ဟာ ကောင်းမှုဆိုတဲ့ အရာတွေကို ကြိုးစားပြီးလုပ်နေရပါတယ်ဗျာ။ သြော် ….. အစ်ကိုကြီးဖြစ်ရတဲ့ ဒုက္ခ။
စိတ်ကတော့ဗျာ အရပ်ကတို့တို့ သိတဲ့အတိုင်းဘဲ … ပုထုဇဉ်ဆိုတော့ ဟဲ ဟဲ ॥ မပြောတတ်ဘူးလေ ……အတတ်နိုင်ဆုံးတော့ ဖြူအောင်ထားနေရတယ်။ ဖြူလိုက် ခဲရောင်သန်းလိုက်ပေါ့ဗျာ (မဲတော့မမဲသေးဘူး)။
ဆက်ရန်။
Subscribe to:
Post Comments (Atom)
No comments:
Post a Comment